 |
| Pangsapuri Carlina, Kota Damansara |
Ni ceghito bonar!
Diceghito an turun-temurun.
Koba eh, bolah wagih den di tahun 50an. Lokasi eh di Noghori Sembilan.
Zaman maghin sughau dibuek daghi buluh. Buluh tu di bolah2. Dinding eh buluh. Lantai eh
buluh. Tanggo eh buluh. Lantai eh pun buluh.
Atap eh yo ghumbiyo.
Tibo time solat, adollah jomaah tiap-tiap waktu kek sughau tu. Dapek la tujuh, lapan oghang jo dongan soghang imam yg dah tuo dan uzur. Tapi taat jadi imam.
Nak jadi an cito, satu insiden yg tak pornah terjadi.
Maso tahyat akhir bulan puaso, imam tetibo monangih. Toesak-esak. Monitik air mato.
Makmum pun turut sobak jadi eh. Kompom dapek lailatul qadar nih.
Tapi dek lamo eh monangih, makmum dah mulo polik. Kok yo pun sobak, dapek lailatul qadar, apo pasal tak boghi salam dari tadi? Kaki dah somut-somut. Tak ghaso apo dah ni.
Dek tak dapek nahan sabar, soghang makmum bingkeh bangun. Molughu kek pak imam.
"Apo kono eh mam? Lailatul Qadar ko?"
"Lailatul qadar abah kau. Tolo den tosopit kek colah buluh ni aaa."
Jangan magah yo. Dah, dah poie sambung kojo tu ha.
Nukilan lantun-lantun
